Преговорите помеѓу коалиционите партнери во Владата за избор на нова химна завршија успешно откако двете страни најдоа компромисно решение што најдобро ги опишува нив како владетели и во исто време е доволно грандиозно да биде идната наша химна.
Се работи за песната „Ненаситен“ што ја исполнува една од најголемите ѕвезди на македонското музичко небо, Марјан Стојановски и која по повеќечасовни преговори едногласно била изгласана од претставниците на двете владејачки партии.
Како што дознаваме, со цел биде постигнат политички консензус околу изборот, во преговорите телефонски била вклучена и опозициската ВМРО-ДПМНЕ, чии преговарачи дале поддршка за предложеното решение и ветиле дека ќе застанат зад него.
