Откако министерот за надворешни работи Бујар Османи денес се пожали дека живее само од плата и едвај врзува крај со крај, Владата на итна седница донесе одлука за експресно замрзнување на цените на сите производи за нега на коса и драстично намалување на цените на фарбите и к'ната, кое ќе изнесува повеќе од 75%.
- Нѐ трогна сознанието дека Османи живее само од плата и моравме нешто да преземеме. Стапивме во контакт со негови пријатели, кои ни кажаа дека најголем дел од платата му оди на производи за нега на коса и затоа ги замрзнавме нивните цени. Сега се надеваме дека ќе може и нешто да заштеди. - рекоа неговите колеги од Владата.
Поискусните колеги, кои се дел од Владата со децении, дополнија дека прв пат во кариерата се среќаваат со ваков случај – министер да живее исклучиво само од платата што ја зема од граѓаните и се надеваат дека ќе биде и последен.
