"Комбе со докази од предметите против Сашо Мијалков, кое доцна синоќа, сосема случајно се нашло пред кумановскиот суд кога во архивата започнал пожарот, е единствена причина поради која тој не се раширил на остатокот од објектот и не се случила многу поголема катастрофа" - велат кумановските противпожарни служби, кои по неколкучасовна борба успешно ја локализираа огнената стихија.
- Веднаш по излегувањето на терен наидовме на проблеми со цревото и моравме брзо да се снаоѓаме. За среќа во моментот тука се најде едно од судските комбиња за транспорт на докази и сите тие материјали ги искористивме за да ги исконтролираме огнените јазици и да спречиме нивно ширење. Се надевам дека господинот Мијалков нема да ни замери. - изјави командирот на кумановските пожарникари.
Судот веднаш му се извини на господинот затоа што уништувањето на доказите значи стопирање на сите случаи против него, а со тоа и негово оневозможување да ја докаже својата невиност, но му вети висока оштета за претрпениот стрес, која ќе биде договорена зад затворени врати.
