На идеја на премиерот на Владата, Зоран Заев, а со цел да се замолчат критичарите и хушкачите, Кривичниот суд во Скопје денес го преиначи домашниот притвор на Рашковски во уличен и му дозволи да го „одлежи“ таму каде што се чувствува како дома.
- Драги го знам од мал и од секогаш важел за дете на улицата. Таа е негов втор дом одамна и ако има два научни докторати, треба да има пет улични. Затоа побарав од судот да му даде шанса санкцијата да ја доврши таму, каде се чувствува како дома. – објасни Заев за Кооперација.
Од извори блиски до комшиите на Рашковски, дознаваме дека скитањето на иноваторот по улици има друга, подлабока позадина, како на пример, неговата одлука сиот свој имот да им го препише на децата, кои сега ја користат моќта што ја имаат и го бркаат својот татко од дома, но за сега, се' ова е во доменот на шпекулациите.