Неколку дена откако ги обедини естрадните ѕвезди со препевот на легендарната „Insieme“, која беше споделена на профилите на сите поголеми политички партии, (не)владината Цивил со нова иницијатива платена од ЕУ фондовите, ја поздрави одлуката за укинување на пресудите против Мијалков и во негова чест ги откупи правата за песната „Freedom“ од Џорџ Мајкл.
Во склоп на кампањата, Цивил ги повика сите неправедно осудени граѓани, кои немаат 30 милиони евра за укинување на пресудите, да ја споделат песната на својот профил и со тоа да му дадат поддршка на човекот кој со месеци ја делеше нивната судбина.
Според првичните информации, во изведбата на песната ќе учествуваат 30 артисти, по еден за секој милион кој господинот Мијалков го исплати на државата за да докаже дека е неправедно осуден за делата кои му се ставаат на товар.
