Најголемата опозициска партија во нашата земја продолжува да докажува дека нема да молчи пред неправдите!
Партијата најавува сериозни, масовни, жешки, изгор, пекол, огромни, народни македонски протести, а тие ќе се случат ширум улиците на нашата земја доколку Путин продолжи да се однесува вака со Украина.
"ВРЕМЕ Е МАКЕДОНСКИОТ НАРОД ДА СЕ ОБЕДИНИ! ЌЕ ИЗЛЕЗЕМЕ НА УЛИЦИ И ВО МАСОВНА БРОЈКА ОД БАРЕМ ПЕДЕСЕТИНА ЛУЃЕ ЌЕ ПОКАЖЕМЕ ДЕКА СМЕ СЕРИОЗНИ ВО НАШИТЕ НАМЕРИ!" - започна емотивниот говор на Христијан Мицкоски пред присутните, а на прашањето зошто само 50 луѓе - Мицкоски одговори "Aм то е, немат лујџе. Толку ме следат. Не можам повеќе луѓе да соберам."
Потоа, емотивниот говор на Мицкоски продолжи со објаснување на идеологијата на партијата и дека тие нема да седат со скрстени раце додека Русија ја граби историјата на соседна Украина.
"И за крај. Да повторам. ВМРО-ДПМНЕ ќе направи се во своја моќ да се бори на страна на правдата! Го почитуваме суверенитетот на државата и нема да дозволиме земја со историја на меѓународни проблеми да се меша во независноста, суверенитетот и уставноста на нивниот сосед. Такво однесување мора да се пресече во корен!!! Ви благодарам што ме ислушавте, а сега ќе одам да ја преставувам Република Северна Македонија на средба со неколку историчари од соседна Бугарија, ќе треба да разговараме зошто е добро да се пише дека нашата земја била на страна на фашистите во Втората светска војна." - заврши говорот на Мицкоски.
