Скандал на градските гробишта во Битола се случи денес, околу 12 часот, кога владиката Петар побарал сертификат за примена вакцина од мртовецот кој требало да го погреба и откако, поради оправдани причини, не го добил, одбил да го спроведе погребот.
- Разговарав со семејството и тие ми потврдија дека починатиот е антиваксер, по што ги советував да најдат начин и да го вакцинираат посмртно. Ги упатив да побараат од вакцините што ни ги донираше Бугарија, зошто и така им истекува рокот за неколку и им гарантирав дека нема да му ја влошат состојбата. Сега останува на нив дали ќе ме послушаат. - рече владиката во разговор за Кооперација.
Тој испрати апел до сите скоро починати да ја почитуваат христијанската традиција и да не дозволат сатаната да ги земе под свое, туку веднаш да станат и најбрзо што можат да примат две дози ако сакаат да влезат во царството господово.