"Тенисот е игра, адреналин и тимски дух. Сетовите се само бројка на истекот на мечот. А, добрососедството е внимателност и почит кои треба да траат со години, децении и векови. Честита победа на нашите македонски фудбалери, нашата гордост, нашиот тим кој оди напред кон европски пласман! Честито и на косовскиот тим за добрата игра. 🇲🇰🇽🇰 #EURO2020 #MKDKOS" - напиша Зоран Заев утрово на својот фејсбук профил како најава дека добрососедството отсекогаш било најдобра одлика на оваа влада, па дури и тогаш кога треба да се помогне на држава чиј лидер е диктатор, небањат, морон, забеган, добар пријател што отсекогаш се грижел за земјава и помагал со се што е потребно.
Имено, откако тој го реши проблемот со Бугарија благодарение на добропознатиот метод наречен "A be daj sto i da ke ti pobaraat, dostoinstvo, istorija, inteligencija i razum da ne ke ti gi nahrani decata???" - Владо Бучковски е повторно пратен на преговори во странска земја.
Овој пат тој ќе преговара со властите од Австралија за тие да му дозволат влез на Новак Ѓоковиќ на Australia Open.
"Верувам дека ќе успееме да направиме добар договор со властите на Австралија. Се понудив јас три пати да се вакцинирам наместо Новак или евентуално да направиме некоја трампа - наместо новак да бидат Боки 13 и Катица СЈО на турнирот, исто така искусни ликови кога станува збор за рекет. Очекувам средба со главниот на Австралија, што ваљда ќе биде некој кенгур хахаха да се нашалиме малце нели хаха. Дечко еј зашто го пишуваш ова бе, шега беше, не сум идиот знам дека претседателот на Австралија не е кенгур.. дечко... не пишувај бе... ок, ајде, ќе прекинам со зборење." - изјави Владо Бучковски во интервју со еден од нашите новинари.
Се надеваме дека ова ќе вроди со плод!
