Една недела откако кажа дека имунитетот создаден од вакцина трае подолго од имунитетот создаден по природен пат - министерот за здравство повторно со контроверзна изјава.
Имено, најдобриот доктор меѓу политичарите и еден од топ 5 најдобри политичари меѓу докторите - Венко Филипче, на средба со новинарите изјави дека најдобар начин за справување со КОВИД-19 е гласање за Петре Шилегов на локалните избори!
"Видете, природен имунитет е срање. Вакцината е ок... ама до кога? Утре можеби ќе треба трет бустер шат можеби. А можеби и уште еден... и уште еден... и уште еден... и до кога така? Затоа, јас како доктор ви кажувам дека гласањето за Петре Шилегов да стане градоначалник на Скопје помага најмногу за создавање на траен имунитет од коронавирусот. А јас сум доктор, така да логично е мене да ми верувате. Што? Да не сте случајно од оние, забеганите анти-Петреаши??? До сега ниту еден човек што гласал за Петре на локалните избори во 2021 нема фатено Корона. Некои ќе кажат дека тоа е поради тоа што уште не се одржале изборите... но науката се уште го истражува ова така да прерано е да се носи некаков негативен заклучок." - изјави Венко.
