Филантроп, интелектуалец, градител, професор, мецена...
Ова се зборовите кои најдобро го опишуваат новиот сопственик на Топлификација, Ванчо Чифлиганец, кој денес излезе на прес-конференција за да се соочи со револтираните скопјани што останаа без парно и преку камерите да ги погледне во очи и да им објасни дека тој лично направил се’ што можел за да им помогне.
- Јас го направив своето. Гледав да ви продадам што помали станови кои полесно се грејат и подолго држат топлина кога нема греење. Знаете ли што ќе се случуваше сега навистина да ги добиевте квадратите што ги плативте?! Ќе мрзневте на промајата! Зошто? За 5-6 квадрати плус. Вака можеш со едно калориферче да го стоплиш станот. - рече професорот во своето емотивно обраќање.
На сите незадоволни од квадратурата и греењето на становите, тој им понуди решение по итна постапка – стан со помала квадратура и функционално ќумбе за мала доплата од само 50ина илјади евра.
