Ден откако социјалните мрежи се обединија против идејата на Данела Арсовска за бетонирање на дел од Градскиот парк, ЕУ најави помош за градоначалничката на Скопје!
Имено, средно-високата преставничка Урсула фон дер Лајен ќе пристигне во Скопје следната недела за да ги убеди Скопјани дека асфалтирањето и не е така лоша работа.
"Скопјани, ве молам размислете. Не дозволувајте емоциите да ви ги носат одлуките. Не треба одма да се реагира. Седнете, размислете. За вакви работи треба да се размислува и да се дебатира. Најбитно е да има разговор. Лесно е одма да се каже "НЕ! НЕ Е Е НЕ! СКОПЈЕ ВЕЛИ НЕ!", ама подруго е кога малце ќе размислете. Еве, јас сум била низ цел свет, дури до Германија. И сум видела паркови со асфалтирани улици. Ова е иднината. Одберете, дали сакате да имате футуристички парк со бетон, реклами и роботи што ви нудат поволни брзи кредити или сакате да седите таму во некое затуцано место каде што се собираат небањати и наркомани и небањати наркомани? Понудата не е совршена, но е реално најдобра шанса." - изјави Урсула фон дер Лајен во разговор со еден Скопјанец во кладилница.
