Стечаец од Злетово, чие идентитет МВР сѐ уште го крие, е авторот на измените во Кривичниот законик, со кои се намалија казните за злоупотреба на службената положба и за злосторничко здружување, дела кои најчесто им се ставаат на товар на политичарите.
- Сакав да направам добро дело и да им го олеснам животот на политичарите. Сите мислиме дека стресот да преживееш е најголем, но не е така. Да водиш држава е сто пати постресно. Затоа, со цел да им намалам едно гајле и да им помогнам да не се секираат за крадењето, решив да провалам во Собранието и да го сменам законот. Па што треба ќе одлежам. - изјави анонимниот стечаец додека екипи на МВР го водеа пред истражен судија.
Од МВР не сакаа да даваат дополнителни информации додека трае истрагата и одбија да ни откријат како дошле до сторителот, само кратко прокоментираа дека повеќе информации за случајот ќе добиеме веднаш штом министерот Спасовски се врати од вечерна литургија.
