Огромен пропуст во работата на пасошкото одделение во Министерството за внатрешни работи откри Интерпол по апсењето на познат европски криминалец чиј идентитет сеуште не се открива, а кој според досегашните сознанија, не поседувал македонски пасош.
- Многу сме разочарани. Сто пати проверивме и уште не ни се верува дека нема ваш пасош. А бе за една работа ве биваше и таа успеавте да ја заебете. Јас се извинувам за вулгарностите, но многу сум нервозен. Вака ли во ЕУ бе Македонци?! - ни рече еден од главните агенти на случајот.
Од МВР остро реагираа на наводите на Интерпол и обвинија дека токму нивната акција за апсење на анонимниот криминалец ја прекинала процедурата за вадење на пасош, која била при крај, а уапсениот имал закажан термин за сликање на 8 јуни.
