Оваа година се најавени локалните избори, а партиите започнуваат со процесот на бирање на своите кандидати. Како што дознаваме, ВМРО-ДПМНЕ ќе одберат некој човек што е тотално некадарен за работата, а СДСМ веќе има и конкретни имиња за кандидати.
Меѓу другото, дознаваме дека од СДСМ планираат да го номинираат Красимир Каракачанов за градоначалник на Скопје!
"Сметаме дека ова е супер идеја што ќе ги спои разликите меѓу Скопје и Бугарија. Ако не дозволиме на Красимир да биде градоначалник на Скопје утре можеби ќе добиеме ново вето. На крај краева, не дека градоначалникот ќе ви ги нахрани децата. Не треба да ви смета ако тој е градоначалник. Размислете, дали порадо би имале 500 евра плата во 3053 како членки на ЕУ или би преживеале 4 години со Красимир како градоначалник на Скопје?
Во моментов разговараме и за мото на кампањата, а финалисти се "Красимир за Красно Скопје" и "Со Каракачанов ќе се освои и Кара Камен"
Ќе видиме кое од двеве ќе го искористиме.
Ние сме црвсто убедени дека Каракачанов ќе ги добие изборите." - ни кажаа од СДСМ.
Кога ги прашавме дали се цврсто убедени во победата поради тоа што имаат нелегални начини да се осигураат за победата тие само се насмеаја и ни кажаа "Ајде, да не откриваме се пред време."
