Не запира Руската пропаганда низ светот!
Во обид да се престави себе си како голем фан на демократијата и уставноста, Владимир Путин кажа дека целта на "специјалната операција" во Украина е да се укине радиодифузната такса!
Тој вели дека Украинскиот народ предолго плаќа прескапа радиодифузна такса и дека откако тој ќе го "ослободи Киев" ќе следи "дерадиодифузнатаксација' на Украина!
"Дезинфекција. Дератизација. Денацификација. Дерадиодифузнатаксација. Тоа е целта на специјалната операција. Мора да го ослободиме Украинскиот народ од нацистите и од радиодифузните такси. Не сме непријатели. Не правиме ништо погрешно. Не може човек што укинува радиодифузна такса да биде на погрешната страна на историјата." - изјави Путин.
Останува да видиме дали оваа вест ќе ги предомисли Украинците и ќе навиваат за човекот што веќе сруши неколку закони со оваа т.н. специјална операција.
