Откако изјавата на премиерот Заев дека кај министрите и директорите од власта не е пронајдена корупција предизвика општонародна еуфорија, нови одлични вести го креваат моралот и ни даваат прекупотребна надеж дека конечно ќе нѐ биде.
Имено, по сеопфатни тестови и мерења на кои биле подвргнати Заев и функционерите од првиот ешалон на власта, психолозите и медицинските лица задолжени за тестирањето дошле до заклучок дека кај 100% од нив не може да се пронајде чувство на срам и одговорност ниту во најмали траги.
Сепак, и покрај ваквите ветувачки резултати премиерот најави дека ќе инсистира тие редовно да носат маски и да избегнуваат контакт со обичните граѓани, затоа што на тој начин може да се заразат со овие несакани особини, што ќе значи крај за нивната политичка кариера.