Поранешниот директор на УБК и сегашен затвореник во струшкиот затвор, господинот Сашо Мијалков, од денес станува доктор на науки, откако успеал во рекордно време, за нецели 20 дена, да го подготви докторатот и да го одбрани пред својот ментор - Рамиз Мерко.
- На првиот слободен викенд отидов во универзитетот кај мојот стар пријател Мерко, но тој беше на состанок. После половина час чекање, ми пријде неговата секретарка и ме извести дека со 30 минутното присуство во објектот исполнувам услови да станам докторант. Без двоумење го прифатив предизвикот и 2 недели подоцна докторирав. - изјави господинот Мијалков.
Горди на својот затвореник, управата на струшкиот затвор реши веднаш да му додели 22 месеци наградно отсуство, како би му помогнале целосно да се посвети на своето образование и да излезе од таму како нов, реформиран човек.
