Сто илјади потписи за само 24 часа собраа жителите на Њујорк во обид да ја убедат скопската градоначалничка, Данела Арсовска, која во моментов е на студиско патување во нивниот град, да остане таму и да ја преземе функцијата од сегашниот градоначалник.
Како што ни објаснија њујорчаните кои ја покренаа иницијативата, тие подолго време ги прателе активностите на Арсовска и биле воодушевени од нејзините надалеку прочуени менаџерски способности, поради што одлучиле да направат се’ што е во нивна моќ за да ја задржат кај нив.
Од кабинетот на Арсовска ја потврдија понудата што ја добила нивната шефица и апелираа до жителите на Скопје да прекинат со прославите, затоа што таа е одбиена и Данела наскоро ќе се врати дома.
