Стево Пендаровски имаше кратка средба со еден од новинарите на Кооперација.мк па нашата екипа имаше шанса да дојде до одговор на прашањето што ги мачи повеќе од 4, а помалку од 6 граѓани во државава.
Зошто Стево нема да има говор за Илинден?
"Што? Илинден? Хаха, а бе луѓе, зошто да имам говор за Илинден? Што сум јас? Илија или Стево? Ако почнам со говори ќе треба цело време, знаете ли вие колку е напорно тоа. За Свети Стефан може да имам говор, ама вака за Илинден ќе го оставам просторот на луѓе што се викаат Илија. Сепак јас ја почитувам еднаквоста и сметам дека не треба Стево да се меша во празникот на Илија. Замислете како би било ако имам говор на Вера, Надеж и Љубов... а јас не се викам Вера! Ма ајде ви се молам, ајде да не им го крадеме задоволството на сите што се викаат Илија..."
Го запрашавме дали ќе има говор за 8 Септември, а тој ни одговори:
"Ах бе луѓе, јас зборам или канта тропа? Ви реков. Ќе зборам само на празници каде што има поента да зборам. Јас не сум и осми на жена ми. Втори сум и. Осми е празник за тие што се осми исто како што Илинден е празник на Илија."
