Грабежот во полицицискиот магацин со оружје во Охрид, после кој охридската полиција остана пократка за неколку шок бомби, солзавци и други предмети, внесе голем немир меѓу вработените во оваа институција, кој на крајот резултираше со тендер за избор на приватна агенција што ќе ја обезебедува полицијата.
- Грабежот не' потресе сите, дури имаше колеги што не сакаа да доаѓаат на работа затоа што се чувствуваа небезбедно на работното место. За да ја вратиме старата работна атмосфера, едногласно решивме да ангажираме професионалци кои ќе не чуваат од крадци и криминалци додека ние си ја бркаме нашата работа. – рекоа од СВР Охрид.
Како што дознаваме, тендерот ќе биде распишан утре, а додека трае процедурата за избор на агенција, полицијците ќе работат од дома за да не се изложуваат на дополнителни непотребни ризици и трауми.
