Жената што самостојно успеа да ја спаси европската иднина на Нашата Земја со тоа што го вразуми својот сопруг, Кастриот Реџепи, и го оттргна од лошите патишта по кои беше тргнал, доби заслужена функција како специјален преговарач со Европската Унија и веднаш отпатува за Брисел за да почне со работа.
Од Владата велат дека таа се наметнала за оваа функција пред сѐ со своите геополитички познавања, но она со што оставила посебен впечаток кај властодршците е нејзината способност за разубедување, која во иднина ќе ја практикува врз европските бирократи, наместо врз сопругот.
Според министерството за надворешни работи со нејзиниот избор драстично ќе се скрати времето за добивање датум за влез во ЕУ, па според нивните пресметки, наместо јануари 2022, очекуваат вратите за влез во унијата да ни се отворат пред оваа Нова Година.
Нека ни е со среќа!
