„Во авион штотуку примив одлична вест! Телефонот, за кој мислев дека ми го дрпнал некој службеник или сум го загубил додека се мував по ходници во Брисел е пронајден и ќе ми биде вратен во најскоро можно време. Голема благодарност до сите ЕУ пријатели кои учествуваа во потрагата и се потрудија да му го разубават денот на еден премиер.“ - со овие зборови премиерот Заев ја објави добрата вест преку телефонот на пилотот и донесе радост кај 2500 до 3000 граѓани кои секојдневно го бомбардираат со СМС-и и повици.
Ова е втор пат премиерот да добива добри вести додека е во воздух, по сега веќе историскиот лет и легендарната фотографија со Османи, Димитров и Анѓушев, на кој добивме датум за почеток што потоа премиерот го загуби и, за разлика од телефонот, никогаш не беше понајден.
