Дознаваме нови детали од прославата за Илинден! Имено, екипата на Кооперација дојде до информација дека прославата ќе помине со пуштање на песни од Ријана преку Јутјуб!
"Видете, прво сакавме да пуштиме исклучиво македонски песни поради тоа што ова е еден од најголемите македонски празници. Ама после тоа ни текна дека Али Ахмети може да прави проблеми. Па решивме да правиме микс малце македонски песни што пеат за хероите и малце албански песни што пеат за Илирида и Бил Клинтон. Ама после тоа ни текна дека има премногу малцинства во нашата земја. А ние сакаме да бидеме еднакви. И водени од целта за еднаквост... дојдовме до заклучок - ќе пееме песни од Ријана! Ријана е од Барбадос, во нашата, а и ваша земја нема малцинство од Барабадос. Затоа, Илинден ќе се слави со хитовите на познатата пејачка! Еднаквоста пред се! А сите еднакво ја сакаме Ријана!" - изјави човек што сам себе се нарекува Стево Пендаровски, а не ја знаеме неговата професија.
