Џанг Ѕуо, амбасадорот на НР Кина во Република Македонија ќе ја проверува ситуацијата во земјава со цел да утврди дали има корупција и како може да се справиме со истата.
"Да, јас како амбасадор на странска земја во Македонија имам право да проверувам дали има коруцпија во земјава и да се справувам со истата. Некои мислат дека премиерот или претседателот треба да го прават тоа, ама тоа е ваљда дека не го прочтиале уставот. Таму јавно пишува дека секој амбасадор има право да се бори со корупцијата и да ги проверува сите функционери. Не знам зошто само на мене и на оваа Американкава ни текнува ова да го правиме, чудна работа..." - изјави господинот Ѕуо, а од кинески ни преведе Циле Тупуровски.
Функционерите во Македонија се поделени по оваа ситуација. Некои велат дека е добро да има камшикар што ќе ги камшикува лошите и корумпирани функционери, а има и такви што не се ентузијасти за БДСМ.
"Добро е ова. Ете амбасадорката од САД ќе го прави ова исто така, а еве сега и амбасадорот на Кина. Ќе биде добро уште еден од ЕУ и еден од Африка да најдеме, бидејќи инаку ќе испадне дека две држави имаат влијание врз земјава, а нели, ниту една земја нема влијание врз земјава. Ама добро, веруваме ќе се најдат уште неколку амбасадори кои ќе ги дружат овие двајца што се нафатија на решавање на проблемот." - изјави Димитар Ковачевски.
Што друго да се каже освен - Браво! Уште 5-6 амбасадори да имавме како Американката и Кинезов и... ехееее, ќе бевме исто како САД и Кина и немаше да бидеме дел од ЕУ.
