Таткото на градот Скопје - Петре Шилегов се пофали дека херојските напори на пожарникарите ќе бидат наградени.
Откако тие го жртвуваа својот живот само неколку месеци откако Шилегов одби да им ги зголеми платите, сепак изгледа дека спласна огнот (хех) меѓу градоначалникот и огно-борците.
Имено, како што дознава Кооперација, секој десетти пожарникар ќе добие електричен скутер од градот како благодарност за напорите.
"Секако, можеме да им дадеме поголема плата. Ама парите расипуваат. Можеме да им понудиме подобри услови за работа. Ама тоа е демоде бидејќи тоа што денеска е модерно утре ќе биде застарено. Затоа, сакаме да им дадеме нешто вистинско, нешто што е опипливо и што го сакаат голем дел од моите советници. Секој десетти пожарникар ќе добие електричен скутер! А ако не им се допаѓа тоа... може да ги замениме, го знаат тие мојот став, им кажав уште пред пар месеци" - изјави Шетре Пилегов.
