Само неколку дена откако ги купи градежните компании на Чифлиганец за да му ги прошири становите, милијардерот Илон Маск, се враќа со нова инвестиција во Нашата Земја, благодарение најмногу на иновативноста и визионерството на директорите поставени од ДУИ, кои своите училишта ги претворија во виртуелни рудници за копање биткоин на државна струја.
- Дознав за ДУИ од пријателот Ванчо и да ви кажам искрено се изненадив што на Балканот постои таква зелена компанија, на која на прво место ѝ е природата. Се запознав и со нејзиниот прв човек Али и првиот впечаток ми е фантастичен. Само со вакви креативни примери ќе станете дел од светот. Да си ги чувате како очите во глава. - порача новиот инвеститор.
Тој се пофали дека веднаш откако по постигнувањето на договорот, компанијата му доделила членска книшка, за која му објасниле дека е слободна карта за излегување од затвор, неплаќање данок, непочитување закони, преминување државни граници без пасош и сѐ што друго може да се замисли во една банана држава.
Фото: marca.com
