Обвинителката Фатиме Фетаи, која најави дека во понеделник ќе ги покаже фискалните кои се доказ дека сѐ си платила сама, реши да ја забрза постапката и да ги презентира сметките денес, со цел да ги прекине озборувањата и шпекулациите.
- Како што можете да видите од приложеното, во 21 часот и 18 минути сум платила дури 2,35 евра за вода, а само 4 минути подоцна и 3 евра за парче пица. Значи сум потрошила над 5 евра за нецели 5 минути. Ако тоа не е доказ дека сѐ си плаќам сама, јас навистина не знам како да ве убедам. Мислам стварно чуече... - рече навивачката.
Покрај водата и пицата, таа потврди дека сама си го платила и чартер летот на ФФМ, односно му дала 500 денари на пилотот за гориво, како и 100 денари за паркинг и масло за авионот.
