Инспектори и форензичари од СВР Кавадарци, по дописот што го добиле од претседателката на ДОМ, Маја Морачанин, отвориле истрага за да дознаат дали светлото на новиот фрижидер, кој им го донираше полицискиот синдикат, се гасне кога тој е затворен и со тоа штеди струја.
Командирот на полициската станица која го доби фрижидерот, вели дека неговите вработени даваат се’ од себе за да ја решат оваа мистерија, која за многумина од нив е најголемиот предизвик со кој се соочиле во животот.
Тој соопшти дека додека трае истрагата СВР Кавадарци ќе ги стави во мирување сите други случаи и апелираше до криминалците да паузираат со своите активности за полицијата да може целосно да се посвети на она што е важно – сијаличката на новиот фрижидер.
