Техничкиот заменик министер за земјоделие, кој се прослави со видеото во кое ненајавено ја проверуваше спремноста на македонската администрација, е поканет да биде режисер на новата сезона на ултрапопуларната серија The Office.
И покрај тоа што серијата престана да се емитува пред седум години, еден од продуцентите случајно налетал на клипот на заменик-министерот и во него го видел се’ она што му е потребно за да ја врати во живот.
Ова е голем успех за македонската кинематографија, но и за заменик министерот, кој ќе има шанса својот талент за создавање ситуации во кои луѓето се чувствуваат непријатно, да го покаже пред меѓународната јавност.
