Човештвото треба да најде лек против фармацијата

Толку добар диазепам си купив, што уште не можам да се смирам од возбуда.
Требаше да го излечат, ама здравје друг пат.
Денес медицината е толку напредна, што човек не знае од што да умре попрво.
Го спречив лекарот да ме прегледа. Подобро е да спречиш отколку да лечиш.
Си ги купив најдобрите апчиња за спиење. Сега од радост не можам да спијам.
Ако патиш од несоница, отспиј малку, ќе ти помине.
Не грижете се поради тоа што со месеци чекате за лекови. Времето е најдобар лек.
Докторот вели дека сум нормален, ама не сум луд да му верувам.
Да не реагираа лекарите правовремено, мртовецот на ништо не ќе личеше.
Кога го пуштија од лудницата, полуде од среќа.
Кога слушна дека ќе му ги ампутираат, му се пресекоа нозете.
Човештвото напредува толку многу, што денес луѓето се убиваат на многу хуман начин.

Aвтори