Министерот за надворешни работи, Бујар Османи, денес се обиде со прост пример им објасни на граѓаните зошто треба безрезервно да ѝ веруваат на Владата и покрај тоа што истата не го објавува протоколот се’ додека пратениците не го изгласаат за францускиот предлог.
- Јас сум ја избрал и имам целосна доверба во мојата фризерка, па оставам на неа да ја избере бојата што најмногу ми одговара. И никогаш не ме изневерила! Затоа очекувам по истата логика да се водат сите совесни граѓани што не’ избрале и да не’ остават да продолжиме со фарбањето. Па после, ако не ви се свиѓа бојата, шишајте се лустер ако сакате. – рече министерот Османи.
На крајот од обраќањето тој покажа гаранции од ЕУ и од Бугарија дека за процедурата ќе бидат ангажирани најдобрите фарбачи во земјава и регионот, познати по тоа што користат само најквалитетни фарби.
