Најнова анкета пред локалните избори!
Според познатото здружение "Прашуваме луѓе нешо по телефон, да се дешава нешто, да не седиме по дома за џабе" - кандидатот на СДСМ има предност во Карпош, кандидатката на ВМРО-ДПМНЕ има предност во Центар, а во сите поголеми општини ситуациите се израмнети.
Сепак, ова здружение се јавило и во амбасадата на Јапонија во Скопје и биле шокирани од резултатите.
"Наш фаворит е Перо Камиказа. Ни се допаѓа што има јапонска фраза за презиме, сигурни сме дека неговите родители - господин и госпоѓа Камиказа се ептен горди со него. Овие другиве имаат македонски презимиња што не ни знаеме како да ги прочитаме така да... ќе мора да кажеме дека наш фаворит е единствениот човек со збор што го знаеме. Со среќа господине Камиказа!" - велат од амбасадата.
