ПОЕЗИЈА: Џејмс Џојс #bloomsday
НЕ ТАГУВАЈ
Не тагувај затоа што луѓето
избираат лажен шум наместо тебе:
Срце мило, врати си го мирот повторно -
зарем можат да те осрамотат?
.
Тие се потажни од сите солзи,
животите им се вознесуваат како бескрајна воздишка.
Гордо одговори на нивните солзи,
додека тие негираат, негираат.
.
САМ
На белозлатна месечина мрежите нежни
во завеса ноќна ја прегрнуваат.
До заспаното езеро фенери крајбрежни
јорговански гранчиња прегрнуваат.
.
Трските потајно го шепотат во ноќта
нејзиното име - име на жена.
Душата ми е бескрајно екстатична -
пред глувата сила на срамот.
.
(слободен препев: м.г.)
Џејмс Огустин Алојшис Џојс (англиски: James Augustine Aloysius Joyce), попознат како Џејмс Џојс (James Joyce; 2 февруари 1882 - 13 јануари 1941) — ирски модернистички писател, еден од најзначајните писатели во книжевноста напишана на англиски јазик. Џојс се смета за родоначалник и втемелувач на прозниот и експериментален пристап, познат под името „состојба на свеста“, а со своите дела извршил големо влијание врз светската книжевност.
