Кооперација предлог филм - The Breakfast Club
Неделното попладне може да се искористи и да се ужива во некој интересен посовремен филмски класик. The Breakfast Club е една тинејџерско-психолошка драма од 80 години на минатиот век која навистина го отсликува времето на совршената реганова Америка, каде не само што на филм, туку и по дома се собирало семејството да гледа филмови баш како во идиличната атмосфера која е опишана во нив. Како и тогаш, општествените системи инсистираат на сегрегација и поделеност, дури и во нашите најинтимни моменти. Во филмот, пет навидум разлини ликови заклучуваат дека почеток на нивното заедништво е да се биде ранлив пред другиот.
