Познатиот човек на кој не му треба никаква најава, а сепак ќе го најавиме, бидејќи слушнавме информации дека и од дома не го знаат каде е и што прави по 16 саати во денот - Љупчо Николовски во нов скандал!
Имено, Љупчо сам себе се банирал од својата фејсбук страница!
"Видете. Мене ретко кој ме фали на фејсбук. Станува осамено некогаш. Почнав и да станувам депресивен. Па затоа, минатиот петок на пијано сум си пишал "Bravo Ljupco majstore pokazi im kako se pravi" - но проблемот настана кога следниот ден се пуштив на фејсбук и мислев дека коментарот е ироничен.
А сите знаеме дека само човек што е ироничен може да ме фали, пошто и Господ (Заев) знае дека нема ниту една причина некој да ме пофали.
Бидејќи нашата партија е претерано демократска, носи живот и слобода на говор во вашата Република, го направив тоа што секој слободен социјалдемократ би го направил - го банирав профилот!
Како тоа он со мене ќе тера сарказам? Хех...
Е сега... проблемот настана кога потоа сфатив дека го имам изгубено контактот до мојата фејсбук страница.
Дури тогаш сфатив дека сам себе сум се банирал.
Тоа е, луѓе сме, грешки правиме." - изјави Љупчо.
Со свое мислење се појави и Љубчо Георгиевски кој кажа дека нема свое мислење за господинот Николовски, но смета дека има печатна грешка во името.
